Íþróttir | Enski boltinn | mbl | 13.10.2017 | 7:35

Leikir liðanna ávallt sérstakir

Juan Mata fagnar marki sínu fyrir Manchester United gegn Crystal Palace um síðustu mánaðamót. AFP

„Þetta er stærsti leikur hvers keppnistímabils á Englandi. Það eru að allir að ræða þennan leik allt árið og minna þig á mikilvægi þess að vinna Liverpool. Stuðningsmenn stöðva þig úti á götu og láta þig vita hversu mikilvægt það er að hafa betur í þessum leik og andrúmsloftið á æfingasvæðinu verður spennuþrungið í aðdraganda leiksins,“ sagði Juan Mata, sóknartengiliður Manchester United í samtali við Skysports, en Manchester United heimsækir Liverpool á Anfield í hádeginu á morgun.

„Liðin hafa spilað marga frábæra leiki í gegnum tíðina. Það er ávallt sérstök stund að spila þessa leiki og það eru forréttinni að fá að taka þátt í þeim. Þegar ég bjó á Spáni og horfði á leiki í ensku úrvalsdeildinni þaðan virkuðu allir leikirnir jafn stórir. Þegar maður kemur hins vegar til Englands áttar maður sig hins vegar á því að það er eitthvað sérstak við leiki Manchester United og Liverpool,“ sagði Mata enn fremur.

„Ég á góðar minningar af leikjum okkar gegn Liverpool. Ég skoraði laglegt mark gegn Liverpool um árið og nokkrum árum seinna eru stuðingsmenn Manchester United enn að rifja þetta mark upp. Leikmaður Manchester United sem skorar gegn Liverpool eignast stað í hjarta stuðningsmanna liðsins. Það er erfitt að mæta Liverpool á Anfield, en um leið mjög gaman. Ef við náum að halda spennustiginu réttu eigum við góða möguleika á sigri,“ sagði Mata um fyrri leiki sína með Manchester United gegn Liverpool og leik liðanna á morgun.