Gylfi fær hæstu einkunn

Gylfi Þór Sigurðsson er byrjaður að spila betur hjá Everton.
Gylfi Þór Sigurðsson er byrjaður að spila betur hjá Everton. AFP

Gylfi Þór Sigurðsson stóð sig vel í 1:0-útisigri Everton á Newcastle í ensku úrvalsdeildinni í knattspyrnu í kvöld. Liverpool Echo gefur okkar manni 8 af 10 mögulegum í einkunnagjöf sinni fyrir leikinn og er hann hæstur allra leikmanna Everton ásamt Ashley Williams. 

Hér að neðan má sjá umsögn miðilsins um frammistöðu okkar manns.

Gylfi Þór Sigurðsson - 8
Eins og venjulega var hann orkumikill og lagði mikið á sig, bæði í vörn og sókn. Hann er alltaf líklegur til að koma með mikilvægar sendingar. 

Sky Sports gefur Gylfa svo 7 af 10 mögulegum og er hann á meðal hæstu leikmanna Everton. 

Loks gefur Whoscored.com okkar manni 7,7 af 10 mögulegum fyrir frammistöðuna og enn á ný er hann á meðal bestu leikmanna Everton. 

Eftir slaka byrjun á mótinu hefur Everton ekki tapað í síðustu fjórum leikjum sínum og unnið þrjá af þeim. 

mbl.is
Fleira áhugavert
Fleira áhugavert