Dýrt spaug að mæta of seint á blaðamannafund
Setja bókamerki
Tæknistjóri Williamsliðsins, Sam Michael, fær líklega ekki bónus þótt Nico Rosberg gangi vel í kappakstri morgundagsins eftir góða frammistöðu í tímatökunum í dag.
Michael mætti nefnilega of seint á blaðamannafund Alþjóða akstursíþróttasambandsins (FIA) í Montreal í gær. Óstundvísi á ekki upp á pallborðið hjá FIA því það hefur gert honum að borga 5.000 evru sekt fyrir skeytingarleysið.
Michael kom sjö mínútum of seint til fundarins. Það vann gegn honum, að FIA hafði daginn áður gefið út aðvörun til liðsstjóra og áminnt liðin um stundvísi, eftir að Ralf Schumacher og Alexander Wurz mættu of seint til annars blaðamannafundar FIA.
Í yfirlýsingu FIA um trassaskap ökuþóranna tveggja sagði að þeir hefðu ekki aðeins brotið gegn keppnisreglum formúlunnar, heldur væri óstundvísi einnig ókurteisi gagnvart viðstöddum blaðamönnum.
Væri að ljúga ef ég segðist ekki stressaður
/frimg/1/48/74/1487454.jpg)
Heldur inn í nóttina tuttugu kílóum léttari
Eyjafjarðarbraut lokað vegna alvarlegs umferðarslyss
Krefjast stöðvunar framkvæmda
Shakespeare fannst í skókassa
Skar höfuðleðrið af íslenskri konu
„Höfum ekki náð að skríða upp úr þeirri gryfju“