Endurbætur á Renaultbílnum virðast ætla gefa góða raun ef marka má árangur Fernando Alonso við bílprófanir í Barcelona í dag. Setti hann langbesta tíma dagsins og var aðeins um tíunda úr sekúndu frá besta  tíma vikunnar, sem Felipe Massa setti á Ferrri í fyrradag.

Alonso var með slétt dekk undir bílnum er hann setti sinn besta tíma, rétt eins og Massa í fyrradag. Næsthraðast ók Michael Schumacher sem sneri aftur til starfa fyrir Ferrari. Ók hann allan daginn á mismunandi gerðum af sléttum dekkjum en var samt fjarri tíma Alonso. Reyndar var bíllinn uppsettur samkvæmt straumfræði- og loftaflsreglum næsta árs.

Alonso ók á sléttum dekkjum fyrir hádegi en raufuðum eftir það. „Það var gaman að reyna sléttu dekkin, þau gefa gott veggrip,“ sagði hann.

Og heimsmeistarinn fyrrverandi var ánægður með endurbætur sem gerðar hafa verið á Renaultbílnum að þessu sinni. „Þetta var góður dagur og ég er ánægður með framfarir bílsins. Við þurfum enn að halda áfram að bæta hann því keppinautarnir hafa bætt sig líka. Það er vandasamt að segja hvar við stöndum í samanburði við þá,“ sagði Alonso.

Bíll Force India, Máttar Indlands, virðist taka miklum framförum þessa dagana því Adrian Sutil setti þriðja besta tímann í dag. Rubens Barrichello varð fljótastur á Hondu í gær en í dag setti hann aðeins sjötta besta tímann.

Jarno Trulli var við störf fyrir Toyota og varði deginum í að prófa uppsetningar með tilliti til Spánarkappakstursins eftir 10 daga. Einnig prófaði hann nýja íhluti í yfirbyggingu bílsins.

Lewis Hamilton, Mark Webber, Jarno Trulli og Sebastien Bourdais notuðu einungis raufuð dekk frá morgni til kvölds. Robert Kubica lenti út úr brautinni og hafnaði á öryggisvegg en tjón varð lítið á bílnum.

Niðurstaða akstursins í Barcelona í dag varð sem hér segir:

Alonso í Barcelona í dag, 16. apríl. ap

Schumacher leggur af stað í aksturslotu fyrir Ferrari í Barcelona í dag. ap

Tengdar fréttir

Formúla-1/bílprófanir

Ökumenn Red Bull á toppnum

• Segja bíl Red Bull fljótari en Mercedes
• Verstappen tók toppsætið
• Mikill munur á Bottas og Hamilton
• Ricciardo fljótastur

» Fleiri tengdar fréttir

• 1 blogg um fréttina

Bloggað um fréttina

• Gústav J. Daníelsson: Sko hvað sagði ég.