Verstappen keppir fyrir Toro Rosso 2015
Setja bókamerki
Max Verstappen verður yngsti ökumaður sögunnar til að keppa í formúlu-1 en Toro Rosso hefur ráðið hann sem keppnismann á næsta ári.
Verstappen hinn hollenski verður nýskriðinn 17 ára þegar hann þreytir frumraun sína í formúlu-1 á næsta ári. Hann er sonur Jos Verstappen sem á sínum tíma keppti í íþróttinni.
Hann mun keppa við hlið Rússans Daniil Kvyat sem með öðrum orðum þýðir að franski ökumaðurinn stígur upp úr keppnisbíl Toro Rosso hinsta sinni við vertíðarlok í nóvember nk.
Verstappen er sem stendur keppandi í hinni evrópsku formúlu-3 og er í öðru sæti í stigakeppni ökumanna með átta sigra undir belti. Í fyrra keppti hann á körtum svo frami hans rís skjótt.
Í vertíðarbyrjun 2015 verður hann næstum tveimur árum yngri en yngsti ökumaður sögunnar til þessa, Spánverjinn Jaime Alguersuari.
„Höfum ekki náð að skríða upp úr þeirri gryfju“
Tveir í bílnum sem lenti utan vegar
Hvorki sést áður hér á landi né annars staðar
Gígbarmurinn hækkað frá því í gær
Kaldasti veturinn kom að óvörum
Banna mengandi búnað sem leyfður er á Íslandi
Skemmtiferðaskip hætt komið nærri Viðey