Rob Smedley, yfirverkfræðingur Williamsliðsins, segir að enska liðið stefni að því að halda í báða núverandi ökumenn fyrir næsta ár.

Smedley segir liðið ánægt með framlag Felipe Massa og Valtteri Bottas en sín á milli hafa þeir fært liðinu einn ráspól á árinu og fjögur pallsæti. Smedley segir ástæðulaust að skipta þeim út fyrir árið 2015.

„Ég yrði sérdeilis ánægður að sjá þá áfram í sæti hjá Williams 2015 og það er planið af hálfu liðsins, segir Smedley við formúluvefinn Crash.net.