Afneitar Hamilton
Setja bókamerki
Maurizio Arrivabene liðsstjóri Ferrari vísar á bug orðrómi þess efnis að Lewis Hamilton sé á förum til ítalska liðsins.
Arrivabene segir Ferrari þegar með „þungavigtarökumann“ í Sebastian Vettel.
Hamilton er á síðasta ári þriggja ára samnings hjá Mercedes og þrátt fyrir ítrekaðar fregnir um að hann væri við það að skrifa upp á framlengingu - slíkar fréttir hafa verið tíðar frá því í vetur - hefur undirskriftarpenninn ekki enn verið mundaður.
Af þeim sökum hefur orðrómur styrkst að undanförnu þess efnis að Hamilton kynni að vera á leið til Ferrari.
Arrivabene segist heldur myndu kjósa ungan og upprennandi ökumann til að keppa við hlið Vettels þegar sæti losnar í liði hans.
„Hvers vegna þarf ég Hamilton þegar ég er með þungavigtarmann sem Vettel?“ spyr Arrivabene í samtali við þýska blaðið Bild. „Ég vildi frekar sjá ungan og efnilegan ökumann verða liðsfélagi Sebastians,“ segir hann.
Núverandi liðsfélagi Vettels, Kimi Räikkönen, á valmöguleika í sínum samningi sem gæti orðið til þess að hann keppi fyrir Ferrari á næsta ári, 2016. „Haldi hann áfram að standa sig vel munum við framlengja við hann,“ segir Arrivabene um ágætan árangur Räikkönens að undanförnu.
Skemmtiferðaskip hætt komið nærri Viðey
Væri að ljúga ef ég segðist ekki stressaður
Telur forsendur fyrir vaxtalækkun
Tveir í bílnum sem lenti utan vegar
Skiptir miklu meira máli en fólk grunar
„Umsátursástand“
Vélsleðaslys: Þyrlan kölluð út á mesta forgangi