Íþróttir | Formúla 1 | mbl | 10.3.2017 | 17:58 | Uppfært 18:47

Räikkönen á besta tíma ársins

Mynd 1 af 6 Inn á milli aksturslota í dag hafði Räikkönen félagsskap af syni sínum. AFP

Mynd 2 af 6 Kimi Räikkönen hjá Ferrari hefur látið mjög til sín taka við bílprófanir í þessari viku og þeirri síðustu. AFP

Mynd 3 af 6 Kimi Räikkönen hjá Ferrari á ferð í Barcelona í dag. Hann hefur látið mjög til sín taka við bílprófanir í þessari viku og þeirri síðustu. AFP

Mynd 4 af 6 Kimi Räikkönen hjá Ferrari á ferð í Barcelona í dag. Hann hefur látið mjög til sín taka við bílprófanir í þessari viku og þeirri síðustu. AFP

Mynd 5 af 6 Kimi Räikkönen hjá Ferrari á ferð í Barcelona í dag. Hann hefur látið mjög til sín taka við bílprófanir í þessari viku og þeirri síðustu. AFP

Mynd 6 af 6 Kimi Räikkönen hafði fjölskylduna hjá sér í Barcelona í þessari viku og þeirri síðustu. Hér býr hann sig undir að lyfta ungum syni þeirra Minttu Virtanen. AFP

Ferrariliðið hefur vakið athygli fyrir aukna snerpu á bílprófum vetrarins sem lauk í Barcelona í dag. Ók Kimi Räikkönen hraðast í dag og náði í leiðinni hraðasta hring frá upphafi reynsluakstursins.

Besti hringur Räikkönen mældist 1:18,634 mínútur. Annar varð Max Verstappen á Red Bull á 1:19,438 mín. og þriðji Carlos Sainz á Toro Rosso á 1:19,837 mín., en tveir síðastnefndu bílarnir eru knúnir Renaultvélum.

Mercedesmennirnir Valtteri Bottas (1:19,845) og Lewis Hamilton (1:19,850) áttu fjórða og fimmta besta tímann, en á þeim munaði aðeins fimm þúsundustu úr sekúndu. Nico Hülkenberg hjá Renault varð sjötti og síðasti ökumaðurinn til að stinga sér niður fyrir 1:20, ók á 1:19,855 mín.

Áfram gekk flest á afturfótunum fyrir McLaren og átti Fernando Alonso að lokum aðeins 11. besta tímann, 1:21,389 mín. Vegna rafkerfisbilana gat hann aðeins ekið 43 hringi í dag.

Sebastian Vettel setti svo hraðasta hring gærdagsins, fimmtudag. Hélt Lewis Hamilton hjá Mercedes því reyndar fram, að Vettel hafi yfirleitt hægt ferðina á síðasta kafla brautarinnar til að reyna sýna keppinautunum ekki á öll kort sín. Telur Hamilton Ferraribílinn miklu hraðskreiðari en virðist og að liðið verði mun skeinuhættara á komandi keppnistíð heldur en þeirri í fyrra.