Stjórn Knattspyrnusambands Íslands, KSÍ, ákvað á fundi sínum 13. janúar sl. að jafna dagpeningagreiðslur til karla- og kvennalandsliðsins. Frá þessu er greint í fréttatilkynningu frá KSÍ.
Jafnframt ákvað stjórnin að kvennalandsliðið fái 10 millj. kr. afreksstyrk komist liðið í úrslitakeppni EM 2009 sem skiptist milli þeirra leikmanna sem taka þátt í riðlakeppninni.
Fyrsti leikur kvennalandsliðsins í riðlakeppni verður gegn Grikklandi ytra 31. maí nk.