Arnór Smárason, leikmaður hjá hollenska liðinu Heerenveen, verður í íslenska landsliðinu sem mætir Wales í vináttulandsleik á Laugardalsvelli á miðvikudaginn í næstu viku.
Ólafur Jóhannesson landsliðsþjálfari tilkynnir landsliðshópinn á miðvikudaignn kemur en heimasíða Heerenveen skýrði frá þessu í dag og þar segir að þetta sé í fyrsta sinn sem Arnór sé valinn í A-landslið karla. Arnór er 19 ára gamall og hefur átt fast sæti í U21 árs landsliðinu.