Pepe biðst afsökunar

Pepe í baráttu við Lionel Messi í leiknum í gær. Reuters

Pepe, portúgalski varnarmaðurinn í liði Real Madrid, hefur beðist afsökunar fyrir að hafa stigið ofan á hönd Lionel Messi þegar Real Madrid og Barcelona áttust við í spænsku bikarkeppninni í knattspyrnu í gærkvöld.

,,Þetta var óviljandi og ef Messi er eitthvað móðgaður þá biðst ég afsökunar,“ segir Pepe á vef Real Madrid en Portúgalinn hefur oftar en ekki misst stjórn á skapi sínu og hefur oft brotið fólskulega af sér.

,,Ég legg sálina og líkamann í leikina og það hefur aldrei hvarflað að mér að reyna að meiða andstæðinginn,“ segir Pepe.