Tim Howard markvörður Everton tilkynnti í kvöld að hann hafi ákveðið að taka sér eins árs leyfi frá bandaríska landsliðinu.
Howard, sem er 35 ára gamall, var magnaður á HM í sumar. Hann á að baki 104 leiki með bandaríska landsliðinu og hefur leikið hverja einustu mínútu með liðinu í undanförnum tveimur heimsmeistarakeppnum.
Howard vill eyða meiri tíma með fjölskyldu sinni og segist landsliðsþjálfarinn Jürgen Klinsmann hafa skilning á ákvörðun Howards.