Laura Bassett varnarmaður enska landsliðsins í knattspyrnu var gjörsamlega niðurbrotin þegar flautað var til leiksloka í undanúrslitaleik Englands og Japans á HM kvenna í knattspyrnu í nótt að íslenskum tíma.
Bassett varð fyrir því óláni að skora sjálfsmark í uppbótartíma og þetta mark tryggði heimsmeisturunum Japans farseðilinn í úrslitaleikinn á móti Bandaríkjunum.
Bassett grét eftir leikinn og samherjar hennar gerðu í því að faðma hana og hughreysta sem og þjálfari enska landsliðsins eins og sjá má í myndskeiðinu hér að neðan.