Norska úrvalsdeildarliðið Viking hafnaði öðru tilboði frá þýska B-deildarliðinu Kaiserslautern í íslenska landsliðsmanninn Jón Daða Böðvarsson og þar með er nokkuð ljóst að Selfyssingurinn leikur með norsku Víkingunum út tímabilið.
Fyrsta tilboð þýska liðsins var á bilinu 35-50 milljónir króna sem var hafnað og nú hefur öðru tilboði félagsins verið hafnað að því er fram kemur í norska blaðinu Stavanger Aftenblad í dag.
Jón Daði á hálft ár eftir af samningi sínum við Viking.