Real Oviedo vann Tenerife 1:0 í spænsku B-deildinni í knattspyrnu í dag en Diego Jóhannesson lék allan leikinn fyrir heimamenn.
Oviedo hefur komið öllum á óvart á þessari leiktíð en liðið kom upp úr C-deildinni fyrir þessa leiktíð og því ekki búist við miklu frá liðinu.
Nú situr það í 3. sæti deildarinnar með 42 stig þegar 25 umferðir eru búnar en Diego hefur verið lykilmaður í liðinu.
Frammistaða hans með Oviedo skilaði honum sæti í íslenska landsliðshópnum sem fór til Bandaríkjanna á dögunum en þar lék hann sinn fyrsta landsleik. Hann lék auðvitað allan leikinn í sigri Oviedo í dag.