Avaldsnes með Hólmfríði Magnúsdóttur og Þórunni Helgu Jónsdóttur innanborðs lagði Trondheims-Örn að velli, 2:0, í fimmtu umferð norsku úrvalsdeildarinnar í knattspyrnu í dag.
Þórunn Helga Jónsdóttir lék allan leikinn með Avaldsnes, en Hólmfríður Magnúsdóttir var í byrjunarliði liðsins og var tekin af velli undir lok leiksins.
Avaldsnes skaust upp í þriðja sæti deildarinnar með þessum sigri, en liðið er með jafn mörg stig og Gunnhildur Yrsa Jónsdóttir og félagar hennar hjá Stabæk sem er sæti ofar vegna hagstæðari markatölu.