Spánarmeistarar Barcelona tóku Sporting Gijon í kennslustund í knattspyrnufræðunum í dag.
Börsungar fögnuðu 5:0 sigri á útvelli og ekki var að sjá að fjarvera Lionel Messi hefði nokkur áhrif á leik meistaranna. Neymar skoraði tvö af mörkum Barcelona og þeir Luis Suárez, Rafinha og Arda Turan skoruðu sitt markið hver.
Barcelona tyllti sér á toppinn alla vega um stundarsakir. Liðið hefur 13 stig eins og Real Madrid sem mætir Las Palmas á útvelli í kvöld.