Spænska stórveldið Real Madrid er við það að ganga frá kaupum á sænska framherjanum Alexander Isak sem leikur með AIK í heimalandinu. Það er Marca sem greinir frá þessu.
Isak, sem er 17 ára gamall, spilaði sinn fyrsta keppnisleik fyrir aðallið AIK í febrúar en hann gerði tíu mörk á tímabilinu sem var að klárast.
Svíar eru afar spenntir fyrir leikmanninum en hann er sagður vera næsti Zlatan Ibrahimovic, sem er á mála hjá Manchester United.
AIK hefur þegar hafnað 10,7 milljóna evra tilboði í Isak en viðræður ganga betur núna samkvæmt Marca. Madrídingar eru í félagaskiptabanni og mega því ekki kaupa inn leikmenn fyrir aðalliðið en geta þó komist fram hjá þeirri reglu og sent leikmanninn í varaliðið í eitt ár.