Emil Hallfreðsson og félagar hans í Udinese þurftu að sætta sig við 0:1 tap gegn Roma á heimavelli í efstu deild ítölsku knattspyrnunnar, Seríu A.
Belgíski landsliðsmaðurinn Radja Nainggolan skoraði eina mark leiksins eftir aðeins 12 mínútur en skömmu síðar klikkaði Edin Dzeko úr víti fyrir Roma.
Emil byrjaði á bekknum en hann kom inn á á 69. mínútu.
Roma er í 2. sæti, einu stigi á eftir toppliði Juventus sem á tvo leiki til góða á meðan Udinese siglir lygnan sjó í 11. sæti.