Sara Björk Gunnarsdóttir, landsliðskona í knattspyrnu, er á sínum stað í byrjunarliði Wolfsburg sem mætir Evrópumeisturum Lyon í 8 liða úrslitum Meistaradeildar Evrópu í kvöld.
Um er að ræða fyrri leik liðanna, en leikið er á heimavelli Wolfsburg. Sara og lið hennar sló Glódísi Perlu Viggósdóttur og lið hennar Eskilstuna úr leik í 16 liða úrslitunum, samtals 8:1, á meðan Lyon slátraði Zürich samtals 17:0.
Áður hafði Wolsburg slegið út Chelsea í 32 liða úrslitunum á meðan Lyon sló út lið Avaldsnes sem þá var skipað þeim Hólmfríði Magnúsdóttur og Þórunni Helgu Jónsdóttur.
Lið Wolfsburg: Schult, Fischer, Sara Björk Gunnarsdóttir, Peter, Blässe, Popp, Harder, Dickenmann, Graham Hansen, I. Kerschowski, Bussaglia
Lið Lyon: Bouhaddi, Renard, Kumagai, Majri, Le Sommer, Marozsán, Buchanan, Bremer, Abily, Seger, Morgan.