Paris Saint Germain komst örugglega áfram í úrslitaleik Meistaradeildar Evrópu í knattspyrnu kvenna, en liðið vann 2:0-sigur gegn Barcelona í seinni leik liðanna í undanúrslitum á Parc des Princes í París í dag.
Franski varnarmaðurinn Sabrina Delannoy skoraði fyrra mark Paris Saint Germain úr vítaspyrnu og spænski miðvallarleikmaðurinn Miriam Diéguez varð fyrir því óláni að skora sjálfsmark.
Paris Saint Germain vann einvígið samanlagt, 5:1, en liðið mætir annaðhvort Lyon eða Manchester City í úrslitaleiknum.
Lyon og Manchester City mætast í seinni leik liðanna á Parc Olympique Lyonnais í Lyon. Lyon stendur betur að vígi, en liðið hafði betur, 3:1, í fyrr leik liðanna í Manchester.