Ísland náði ekki HM-sætinu
Setja bókamerki
Íslendingar urðu að sætta sig við 8. sætið á Evrópumótinu í brids, sem lauk í Pau í Frakklandi í dag. Ísland vann Frakkland, 20:10, í síðasta leik mótsins í morgun en sigurinn hefði þurft að vera stærri og úrslit í öðrum leikjum hagstæðari til að fleyta íslenska liðinu upp í sjötta sætið. Sex efstu sætin veittu keppnisrétt á næsta heimsmeistaramóti.
Norðmenn urðu Evrópumeistarar í fyrsta skipti en þeir eru einnig núverandi heimsmeistarar í brids. Sigurinn í Pau kom nokkuð á óvart en aðeins tveir úr heimsmeistaraliði Norðmanna Boye Brogeland og Geir Helgemo, spiluðu þar. Þrír í liðinu eru kornungir spilarar sem voru að taka þátt í sínu fyrsta Evrópumóti.
Norðmenn enduðu með 299 stig. Rússar urðu í 2. sæti með, 287 stig, Þjóðverjar urðu þriðju með 286, Búlgarar fjórðu með 285, Ítalar fimmtu með 279 og Hollendingar sjöttu með 273 stig. Í sjöunda sæti komu Danir með 269 stig og Íslendingar fengu 265 stig.
Banna mengandi búnað sem leyfður er á Íslandi
Nemendur í HÍ reistu tjaldbúðir án leyfis
Shakespeare fannst í skókassa
Skiptir miklu meira máli en fólk grunar
Skemmtiferðaskip hætt komið nærri Viðey
Telur forsendur fyrir vaxtalækkun