Tókýó heldur ÓL 2020

Ólympíuleikarnir árið 2020 verða haldnir í Tókýó í Japan. Þetta varð ljóst eftir atkvæðagreiðslu á þingi Alþjóðaólympíunefndarinnar, IOC, Buenos Aires í kvöld. Istanbúl og Madríd sóttust einnig eftir að halda leikana.

Tókýó hafði betur í annarri umferð þegar greidd voru atkvæði á milli umsóknar Tókýó og Istanbúl. Umsókn Madrídar fékk fæst atkvæði í fyrstu umferð og en þá fengu Tókýó og Istanbúl jafnmörg atkvæði.

Ólympíumót fatlaðra fer einnig fram í Tókýó 2020, nokkrum vikum eftir að Ólympíuleikunum lýkur.

Sumarólympíuleikar voru haldnir í Tókýó 1964.

Þetta er í annað sinn sem umsókn Madrídar fær ekki nægan hljómgrunn. Spánverjar sóttust einnig eftir að halda leikana 2016 þegar þeir féllu Río de Janero í skaut.

Jacques Rogge forseti Alþjóða ólympíunefndarinnar tilkynnti að Tókýó hafi orðið fyrir valinu sem gestgjafi Ólympíuleikana 2020. AFP

Japanska sendisveitin á þingi IOC í Buanos Aires fagnar niðurstöðunni en Tókýó heldur ÓL 2020. AFP

• 1 blogg um fréttina

Bloggað um fréttina

• Toshiki Toma: Á Spáni fremur en í Tókíó...