Tugþrautarkappinn og Ólympíugullverðlaunahafinn Bryan Clay fór afar óhefðbundna leið til þess að hjálpa dóttur sinni að losna við tönn.
Hann birti þetta ótrúlega myndskeið á Twitter-síðu sinni í gær þar sem hann var búinn að binda spotta við lausa tönn dóttur sinnar.
Clay nægði ekki að toga í spottann eða binda hinn endann við hurðarhún, nei spjót varð fyrir valinu. Tilraunin svínvirkaði hjá feðginunum eins og sjá má hér að neðan.
Clay vann Ólympíugull í tugþraut í Beijing 2008 og fékk silfur í Aþenu fjórum árum áður en hann varð einnig heimsmeistari í greininni utanhúss árið 2005 í Helsinki.
What you use javelins for once you're retired. pic.twitter.com/gVwqK75bVa
— Bryan Clay (@bryanclay) May 6, 2015