Unglingalandsmóti UMFÍ sem fram fór á Akureyri um nýliðna helgi var slitið í gær. Frjálsíþróttakeppni móstins gekk afar vel og mótshaldarar voru ánægðir með gróskuna í frjálsum íþróttum sem kom fram á sjónarsviðið um helgina.
Tvö unglingalandsmótsmet voru sett á mótinu annars vegar í grindarhlaupi og hins vegar kúluvarpi.
Andrea Þorvaldsdóttir úr Ungmennafélagi Akureyrar setti unglingalandsmótsmet í 60 metra grindahlaupi í flokki 13 stúlkna, hljóp á 10,15 sekúndum. Aldursflokkamet var síðan sett í kúluvarpi 12 ára stúlkna þegar Birta Sigþórsdóttir úr HSH kastaði 11,86 metra.