Hnefaleikakappinn Floyd Mayweather mun snúa aftur í hringinn þann 12. september næstkomandi og mæta Andre Berto, en Mayweather er ósigraður í 49 viðureignum.
Fari svo að Mayweather hafi betur mun hann jafna met Rocky Marciano sem tapaði ekki í 49 viðureignum og fór ósigraður í gegnum ferilinn, en hinn 38 ára gamli Mayweather hefur sagt að þetta verði í síðasta sinn sem hann stígur í hringinn.
„Hann er ungur og sterkur boxari sem er hungraður að ná þeim besta. 48 hafa reynt það hingað til og þann 12. september mun hinum 49. mistakast það,“ sagði Mayweather.