Ríkjandi Íslandsmeistarar HK geta tryggt sér sinn sjötta meistaratitil í röð þegar karlalið félagsins í blaki mætir Stjörnunni í þriðja einvígisleik liðanna í Garðabæ klukkan 19.30 í kvöld.
Staðan í einvíginu er 2:0 fyrir HK en þrjá sigra þarf til þess að tryggja sér titilinn. Með sigri getur Stjarnan hins vegar haldið spennu í einvíginu og tryggt fjórða leikinn á mánudagskvöld.
Aðeins Þróttur R. hefur unnið fleiri Íslandsmeistaratitla í röð en HK, en á árunum 1981-1987 vann liðið sjö titla í röð.