Frekari fréttir hafa nú borist af því hvað olli banaslysinu þegar franski skíðakappinn David Poisson lét lífið á æfingu í Kanada í gær.
Poisson var á brunæfingu en hann er afreksmaður í greininni. Vann heimsbikarmót í bruni í Austurríki og hafði unnið til bronsverðlauna í bruni á HM 2013.
Poisson mun hafa misst annað skíðið og dottið í kjölfarið. Kastaðist hann út í öryggisnet og fór þar í gegn. Endaði Frakkinn á tré.
Samkvæmt franska skíðasambandinu var atburðarásin með þessum hætti en slysið verður rannskað frekar.