Ólafía Þórunn Kristinsdóttir hefur leik á 10. teig á öðrum keppnisdegi á KIA Classic-mótinu í golfi, fjórða mótinu í LPGA-mótaröðinni sem fram fer í Kaliforníuríki í Bandaríkjunum, klukkan 15:50 að íslenskum tíma í dag eða 08.50 að staðartíma.
Sjá frétt á mbl.is: Ólafía einu yfir pari eftir tvo skolla í lokin
Ólafía Þórunn er á einu höggi yfir pari eftir fyrsta hring á mótinu og er jöfn í 65.-81. sæti en bandarísku kylfingarnir Cristie Kerr og Mo Martin og suður-kóreski kylfingurinn In Gee Chun eru í forystu. Þær léku allar á 66 höggum eða sex höggum undir pari vallarins.