Valdís Þóra Jónsdóttir, kylfingur hjá Leyni, leikur annan hring sinn á á öðru móti Evrópumótaraðarinnar í golfi kvenna í dag. Leikið er á Golf Dar Es Salam-vellinum í Marokkó að þessu sinni.
Skorið verður niður eftir hringinn í dag, en Valdís Þóra lék á fjórum höggum yfir pari í gær og hún er einu höggi frá niðurskurðinum fyrir hringinn.
Valdís Þóra er að taka þátt í Evrópumótaröðinni í annað skipti, en hún endaði í 51. sæti á fyrsta móti mótaraðarinnar á tímabilinu á Oates Victorian-mótinu sem haldið var í Ástralíu.