Kylfingurinn Haraldur Franklín Magnús er efstur á tíu höggum undir pari eftir annan hring á Tinderbox Charity Challenge mótinu þegar nokkrir eiga eftir að ljúka leik. Haraldur lék á sex höggum undir pari í gær og á fjórum höggum undir pari í dag. Mótið er leikið á Langesø vellinum á Fjóni og er hluti af Nordic Golf mótaröðinni.
Axel Bóasson, Guðmundur Ágúst Kristjánsson og Ólafur Loftsson leika einnig á mótinu, en eins og er lítur ekki út fyrir að neinn þeirra komist í gegnum niðurskurðinn.
Axel og Ólafur hafa nýverið hafið leik og því liggur skorið þeirra ekki fyrir. Guðmundur Ágúst lauk leik í dag á einu höggi yfir pari, samtals á fimm höggum yfir pari og nær því ekki niðurskurðinum.
Frétt mbl.is Haraldur jafn í öðru sæti eftir fyrsta hring