Góðgerðargolfmót Ólafíu Þórunnar Kristinsdóttur og KPMG fór fram í gær á Leirdalsvelli. Mótið gekk vel og voru 65 keppendur í mótinu auk atvinnukylfinga sem skiptust á að leika með mismunandi ráshópum. Þar á meðal voru fjórir LPGA-kylfingar, en Gaby Lopez tognaði í baki í gærmorgun og var því ekki með.
Valdís Þóra Jónsdóttir gekk í hennar stað, en auk hennar voru Ólafía Þórunn, Sandra Gal, Tiffany Joh og Vicky Hurst með á mótinu. Þær komu allar til landsins beint af Opna breska meistaramótinu, eftir tveggja vikna veru í Skotlandi.
Mótið er fjáröflun fyrir Barnaspítala Hringsins, en samtals söfnuðust fjórar milljónir króna.
Greinin í heild sinni er í íþróttablaði Morgunblaðsins í dag.