Guðjón Valur Sigurðsson hefur skorað flest mörk íslensku handknattleiksmannanna á Evrópumótinu í handknattleik sem nú stendur yfir í Noregi. Hann er í 13. sæti yfir markahæstu leikmenn mótsins með 21 mark, þar af tvö úr vítakasti. Markahæsti leikmaður mótsins er Pólverjinn Karol Bielecki með 31 mark, eða 7,8 mörk að jafnaði í hverjum leik mótsins.
Annar er Slóveninn Ales Pajovic með 30 mörk og Alen Muratovic, Svartfjalllandi, er í þriðja sæti með 28 mörk.
Eftirtaldir hafa skorað mörk íslenska landsliðsins til þessa:
Guðjón Valur Sigurðsson, 21/2
Alexander Petersson, 15
Ólafur Stefánsson, 12/5
Logi Geirsson, 10
Snorri Steinn Guðjónsson 10/2
Róbert Gunnarsson, 8
Vignir Svavarsson, 6
Einar Hólmgeirsson, 5
Ásgeir Örn Hallgrímsson, 4
Hannes Jón Jónsson, 2
Bjarni Fritzson, 1
Jaliesky Garcia, 1
Sigfús Sigurðsson og Sverre Jakobsson auk markvarðanna, Birkis Ívars Guðmundssonar og Hreiðars Guðmundssonar, hafa ekki skorað mark.