Gunnar Steinn Jónsson skoraði eitt mark fyrir Nantes þegar liðið tapaði naumlega fyrir Montpellier á heimavelli, 26:25, í fyrri leik liðanna í 8-liða úrslitum EHF-keppninnar í handknattleik í kvöld. Anton Gylfi Pálsson og Jónas Elíasson dæmdu leikinn.
Montpellier var tveimur mörkum yfir í hálfleik, 15:13, í Palais des Sports de Beaulieu íþróttahöllinni í Nantes. Uppselt var á leikinn. Áhorfendur voru fimm þúsund.
Slóveninn Dragan Gajic reyndist Gunnari Steini og samherjum erfiður. Hann skoraði 12 mörk fyrir Montpellier.
Liðin eigast við á nýjan leik á heimavelli Montpellier á sunnudaginn.