Daníel Freyr Andrésson, markvörður FH, er í leikmannahóp liðsins í fyrsta undanúrslitaleik Hauka og FH í undanúrslitum Íslandsmóts karla í handknattleik, en leikur liðanna hefst klukkan 19.15 á Ásvöllum.
Daníel Freyr braut bátsbein í hendi um miðjan desember og hefur ekkert leikið með FH-liðinu síðan. Óvíst er hve mikið eða hvort hann mun spila eitthvað með FH í kvöld, en hann er þó í það minnsta í leikmannahóp liðsins og er ásamt Ágústi Elí Björgvinssyni skráður markvörður í liðinu.
Fylgst er með gangi mála í leik Hauka og FH hér á mbl.is og má sjá textalýsinguna hér.