ÍBV tapaði í kvöld fyrir ítalska liðinu Jomi Salerno, 27:24, í fyrri leik liðanna í 2. umferð EHF-keppninnar í handknattleik en leikurinn fór fram á Ítalíu.
Staðan var jöfn í hálfleik, 14:14, en ítalska liðið hafði betur í seinni hálfleik og innbyrti þriggja marka sigur. Síðari leikur liðanna fer fram á sama stað á morgun.
Jóna Sigríður Halldórsdóttir skoraði 7 mörk fyrir ÍBV, Telma Amado 6 og Díana Dögg Magnúsdóttir skoraði 4.