Lærisveinar Alfreðs Gíslasonar rótburstuðu Metalurg á útvelli í Meistaradeildinni í handknattleik í kvöld.
Þýsku meistararnir fögnuðu 15 marka sigri, 42:27, en leikurinn fór fram á heimavelli Metalurg í Makedóníu.
Domagoj Djuvnak var markahæstur í liði Kiel með 8 mörk, Canellas skoraði 7 sem og Marko Vujin og Dominik Klein var með 6 mörk. Aron Pálmarsson var fjarri góðu gamni í liði Kiel en hann er frá keppni vegna meiðsla.
Kiel hefur unnið þrjá af fjórum leikjum sínum en Metalurg hefur tapað öllum fjórum leikjum sínum.