Róbert Aron Hostert var hetja Mors-Thy í kvöld þegar liðið vann sætan útisigur á Odder í dönsku úrvalsdeildinni í handknattleik, 24:23.
Staðan var 23:23 og leiktíminn runninn út þegar Róbert Aron tók aukakast fyrir Mors-Thy, og úr því skoraði hann sigurmarkið. Þetta var eina mark Róberts í leiknum en Guðmundur Árni Ólafsson skoraði tvö fyrir Mors-Thy.
Mors-Thy er með 12 stig eftir 13 leiki í 9. sæti af 14 liðum, en Odder er á botninum.