Sunna Jónsdóttir og liðsfélagar hennar í sænska handknattleiksliðinu Heid unnu sinn fyrsta leik í deildinni í dag þegar liðið lagði Tyresö með einu marki, 20:19, en um var að ræða neðstu tvö lið deildarinnar.
Sunna skoraði eitt marka Heid í leiknum, en sigurmarkið kom tæpri mínútu fyrir leikslok. Liðið hefur nú þrjú stig í næstneðsta sæti deildarinnar að loknum tíu leikjum og komst uppfyrir Tyresö með sigrinum.
Þá er ekkert lát á sigurgöngu Birnu Bergs Haraldsdóttur og liðs hennar, IK Sävehof, en liðið lagði Höör á útivelli í dag, 31:26. Birna komst ekki á blað fyrir Sävehof sem hefur unnið alla tíu leiki sína og er á toppi deildarinnar.