Úrslitaleikirnir í deildabikar karla og kvenna í handknattleik fara fram í dag í íþróttahúsinu við Strandgötu í Hafnarfirði.
Fram og Stjarnan mætast í úrslitaleik kvenna klukkan 13 og Valur og Afturelding í úrslitaleik karla klukkan 15.
Stjarnan vann Gróttu í æsispennandi leik í kvennaflokki, 26:25, í gær og Fram vann ÍBV all örugglega, 34:28.
Í karlaflokki vann Valur sigur á FH í tvíframlengdum leik, 32:28, og Afturelding sigraði ÍR, 26:20.