Bjarki Már Elísson átti stórleik og skoraði átta mörk fyrir ThSV Eisenach í þýsku 2. deildinni í handknattleik í kvöld en liðið vann TV 1893 Neuhausen 27:24 á útivelli.
Bjarki Már spilaði frábærlega og var markahæstur á vellinum en liðsfélagi hans Hannes Jón Jónsson var ekki í leikmannahópi liðsins.
Eisenach hefur nú unnið tvo leiki í röð og hefur 34 stig og er í 5. sæti deildarinnar.
Fannar Friðgeirsson var einnig í sigurliði í kvöld þegar lið hans TV Großwallstadt vann TUSEM Essen naumlega 21:22 á útivelli.
Fannar skoraði tvö mörk og skoraði annað þeirra á mikilvægum tímapunkti, en hann kom liðinu í 21:19 þegar skammt var eftir.
Großwallstadt er í 7. sæti deildarinnar með 33 stig, stigi á eftir Bjarka og félögum en liðið hefur jafn mörg stig og ASV Hamm-Westfalen í 6. sætinu.