Handboltamaðurinn Sigvaldi Guðjónsson, leikmaður U21 árs landsliðsins, mun hafa vistaskipti í sumar.
Sigvaldi, sem leikur með Bjerringbro/Silkeborg, hefur verið keyptur út úr samningi sínum við félagið og mun leika með Århus á næsta tímabili. Hann hefur gert eins árs samning við Árósarliðið með möguleika á framlengingu um eitt ár en forráðamenn félagsins vænta mikils af Íslendingnum.
Sigvaldi er 19 ára gamall hornamaður sem lék um tíma með HK í yngri flokkum en hefur lengi spilað með Århus og einnig Skovbakken. Hann var danskur meistari með U18 ára liði Århus árið 2012.