Stórskyttan Aron Pálmarsson skoraði þrjú mörk fyrir Kiel í auðveldum 36:22 sigri þeirra á HC Erlangen í þýsku 1. deildinni í dag. Lærisveinar Alfreðs Gíslasonar hjá Kiel komust þar með í efsta sæti deildarinnar en þeir eiga í harðri toppbaráttu við ljónin úr Rhein-Neckar Löwen.
Sigurbergur Sveinsson komst ekki á blað fyrir heimamennina í Erlangen en þeir eru í 18. sæti deildarinnar.