Íslenska kvennalandsliðið handknattleik skipað leikmönnum nítján ára og yngri tapaði fyrir Makedóníu, 24:22, þegar þjóðirnar mættust í undankeppni EM í dag.
Íslenska liðið var tveimur mörkum yfir í hálfleik, 10:8, áður en Makedónía náði að snúa blaðinu sér í hag eftir hlé og uppskar að lokum tveggja marka sigur.
Ragnheiður Júlíusdóttir fór á kostum hjá íslenska liðinu og skoraði ellefu mörk, eða helming marka liðsins. Næsti leikur er strax á morgun gegn Svartfjallalandi.
Mörk Íslands: Ragnheiður Júlíusdóttir 11, Birta Fönn Sveinsdóttir 4, Þórey Anna Ásgeirsdóttir 2, Thea Imani Sturludóttir 2, Sigrún Ása Ásgrímsdóttir 1, Elena Elísabet Birgisdóttir 1, Þórhildur Braga Þórðardóttir 1.