Hilmar Guðlaugsson hefur verið ráðinn þjálfari meistaraflokkslið Selfoss í handknattleik kvenna. Hann mun starfa við hlið Sebastíans Alexanderssonar sem þjálfaði liðið á síðustu leiktíð.
Hilmar verður einnig þjálfari 3. flokks kvenna og starfsmaður handknattleiksdeildar Selfoss. Hann mun einnig koma að þjálfun annarra yngri flokka deildarinnar.
Hilmar hefur síðustu ár þjálfað meistaraflokkslið HK í handknattleik kvenna frá 2010 og þangað til á dögunum.
Selfoss-liðið hafnaði í áttunda sæti Olís-deildar kvenna í vor og tryggði sér í fyrsta sinn sæti í úrslitakeppninni en í henni mætti liðið deildarmeisturum Gróttu.
Sigrún Arna Brynjarsdóttir sem þjálfað hefur yngri flokka HK undanfarin á söðlar einnig um og snýr sér að þjálfun yngri flokka hjá Selfossi.