Eva Margrét Kristinsdóttir og Sunna María Einarsdóttir, leikmenn Íslands- og bikarmeistaraliðs Gróttu í handknattleik, verða áfram í herbúðum liðsins á næstu leiktíð. Þær hafa báðar skrifað undir samning þess efnis.
Sunna María kom til Gróttu fyrir fjórum árum frá Fylki og átti sinn þátt í að tryggja liðinu Íslandsmeistaratitilinn nú í vor, í fyrsta sinn. Eva Margrét tók fram skóna síðasta haust og var í lykilhlutverki í vörn Gróttu í vetur.