Rut Jónsdóttir, landsliðskona í handknattleik, og samherjar hennar í Randers komust í kvöld í þriðja sæti dönsku úrvalsdeildarinnar með naumum útisigri á SK Aarhus, 23:22.
Rut skoraði tvö mörk fyrir Randers í leiknum en lið hennar er nú með 20 stig eftir 16 leiki og fór uppfyrir bæði Viborg og Tvis Holstebro, sem hinsvegar eiga bæði leik til góða. Midtjylland er á toppnum með 24 stig og Esbjerg er í öðru sæti með 22 stig.