Ólafur Andrés Guðmundsson bar fyrirliðabandið þegar Kristianstad náði sjö stiga forystu í sænsku efstu deildinni í handknattleik með sex marka sigri gegn Drott Halmstad.
Ólafur skoraði fjögur mörk í 32:26 sigri Kristianstad sem trónir á toppi deildarinnar með 42 stig eftir 22 umferðir, en liðið hefur einungis tapað einum leik í deildinni í vetur.
Alingsås kemur næst með 35 stig og munar því sjö stigum á liðunum þegar sex umferðir eru eftir af deildinni.