Þórey Rósa Stefánsdóttir hafði betur gegn Sunnu Jónsdóttur er lið þeirra mættust í norsku úrvalsdeildinni í handknattleik í dag. Þórey skoraði fimm mörk fyrir Vipers Kristiansand og Sunna eitt fyrir Halden. Vipers vann leikinn 33:24.
Vipers er í öðru sæti deildarinnar, fjórum stigum á eftir toppliði Larvik á meðan Halden er í tíunda sæti af tólf liðum.
Larvik vann Sola, lið Evu Davíðsdóttur, 31:25. Eva skoraði eitt mark í leiknum en lið hennar er í 9. sæti.