Aron Pálmarsson og félagar í Veszprém eru ungverskir bikarmeistarar í handbolta eftir nauman 23:22 sigur á Pick Szeged í úrslitaleik í dag. Aron skoraði fimm mörk í leiknum og var næst markahæstur síns liðs en hann skoraði sigurmarkið úr vítakasti þegar leiktíminn var úti.
Gašper Marguč skoraði sjö mörk fyrir Veszprém, sem var 13:9 yfir í hálfleik. Pick Szeged saxaði á forskot Veszprém í síðari hálfleik en það dugði ekki til.
Þetta er níunda árið í röð sem Veszprém vinnur ungverska bikarinn.